विश्व खबर 
काठमाडौं– रसुवाको भोटेकोशी नदीमा भदौ १० गते आएको प्रलयकारी बाढीमा परी ज्यान गुमाउनेको सङ्ख्या एक हजार ४१० जना पुगेको छ ।
पछिल्लो पटक सार्वजनिक विवरण अनुसार बिहीबार बेलुकी ७ बजेसम्म फेला परेका शवमध्ये चितवनमा ३६४, नवलपरासी पूर्वमा २३२, नवलपरासी पश्चिममा २२२, नुवाकोटमा २०३, रसुवामा १९९, गोरखामा ७८, धादिङमा ७२ र तनहुँमा ३८ छन् ।
फेला परेका शवमध्ये हालसम्म ११० जनाको सनाखत भएको छ । सनाखत हुन बाँकी शवको पहिचानका लागि डीएनए परीक्षणलगायतका प्रक्रिया अघि बढाइएको प्राधिकरणले जनाएको छ ।
यस्तै, पाँच हजार १४५ जना अझै सम्पर्कविहीन रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
बाढीपछि हालसम्म १३ हजार ७५६ जनाको उद्धार गरिएको छ ।
बाढीमा परी मृत्यु भएकामध्ये एक हजार २८६ जना तथा मृतकका आफन्त एक हजार ९४४ जनाको डीएनए नमूना संकलन गरिएको छ । संकलित नमूनाका आधारमा सनाखत हुन बाँकी शवको पहिचान गर्ने काम अघि बढाइएको प्राधिकरणले जनाएको छ ।
