विश्व खबर 
काठमाडौं– नेपाली कांग्रेसको संस्थापन इतर समूहको बैठक आज दिउँसो १ बजे चुनदेवीस्थित सम्पर्क कार्यालयमा बस्दैछ ।
बैठकमा १५औं महाधिवेशनको तयारी, समसामयिक विषय र विविध विषयमा छलफल हुनेछ ।
समूहका सचिवालय समन्वय समिति संयोजक दीपकप्रसाद कुइकेलका अनुसार १४औं महाधिवेशनबाट निर्वाचित केन्द्रीय सदस्य र आमन्त्रित सदस्यहरूलाई बैठकमा बोलाइएको छ ।
यसअघि नै संस्थापन पक्षले १५औं महाधिवेशनको मिति तोकिसकेको छ ।
कांग्रेस केन्द्रीय समितिको बैठकले आगामी असोज १६–१९ गते काठमाडौंमा महाधिवेशन गर्ने पूर्वनिर्णय यथावत् राखेको हो ।
यद्यपि पार्टी फुटाउनेबारे कुनै चासो नभएको इतर समूहले बताएको छ ।
प्रतिक्रिया दिनुहोस्
