विश्व खबर 
काठमाडौं– स्थापनाको चार महिनामै राष्ट्रिय दल बनेको श्रम संस्कृति पार्टीले आगामी चुनावमा हर्क साम्पाङलाई प्रधानमन्त्री र सुदन किरातीलाई कोशीको मुख्यमन्त्री बनाउने अभियान तीव्र पारेको छ ।
पार्टीले ‘केचना–सगरमाथा हातेमालो’ अभियान सुरु गरेको हो ।
प्रदेश अध्यक्ष प्रताप राईका अनुसार यो अभियान सङ्गठन निर्माण र श्रमदानलाई जोड्न केन्द्रित छ ।
कोशी प्रदेशमा सुदन किरातीलाई मुख्यमन्त्रीको उम्मेदवार घोषणा गरिसकेको छ ।
गत फागुन २१ को निर्वाचनमा कोशीमा रास्वपा पहिलो र श्रम संस्कृति दोस्रो शक्ति बनेको थियो ।
पार्टीले रास्वपालाई मुख्य प्रतिस्पर्धी मान्दै आगामी प्रदेश र स्थानीय निर्वाचनमा बहुमत हासिल गर्ने दाबी गरेको छ ।
विशेषगरी सुनसरी–१, खोटाङ र भोजपुरमा प्रत्यक्ष जित हासिल गरेको पार्टीले अन्य धेरै निर्वाचन क्षेत्रमा उत्साहजनक मत प्राप्त गरेको छ ।
पार्टी नेताहरूका अनुसार पुराना दलप्रति जनताको मोहभङ्ग र रास्वपाप्रति बढ्दो असन्तुष्टिले श्रम संस्कृतिको पक्षमा माहोल बनेको छ ।
