विश्व खबर 
काठमाडौं– नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ तीनदिने श्रीलंका भ्रमण पूरा गरी आइतबार काठमाडौं फर्किएका छन् ।
प्रचण्ड फर्किएसँगै प्रदेश सरकारको नयाँ सत्ता समीकरणबारे नेपाली कांग्रेसका सभापति गगन थापासँग निर्णायक छलफल हुने तयारी भएको छ ।
यसअघि प्रचण्ड श्रीलंका प्रस्थान गर्नुअघि भएको भेट सकारात्मक भए पनि अन्तिम सहमति हुन सकेको थिएन ।
कांग्रेसले प्रदेशमा एमालेसँगको सहकार्य अन्त्य गर्ने तयारी गरिरहेका बेला अब कांग्रेस–नेकपा गठबन्धनको सम्भावनाबारे निर्णय हुन सक्ने संकेत देखिएको छ ।
दुवै दलका शीर्ष नेताबीच आज वा भोलि हुने भनिएको वार्तापछि प्रदेश सरकारको भावी रणनीति टुंगिने अपेक्षा गरिएको छ ।
प्रतिक्रिया दिनुहोस्
