विश्व खबर 
काठमाडौं– नेकपा नेता भीम रावलले एक रुपैयाँको सिक्काबाट लिम्पियाधुरा, लिपुलेक र कालापानीसहितको नेपालको चुच्चे नक्सा हटाउने सरकारी निर्णयको कडा विरोध गरेका छन् ।
उनले यस्तो निर्णय भएको पुष्टि भए त्यसलाई नेपालको भौगोलिक अखण्डतामाथिको गम्भीर आघात र राष्ट्रघाती कदमको संज्ञा दिएका छन् ।
रावलले सामाजिक सञ्जालमार्फत सरकार र राष्ट्रिय स्वतन्त्र पार्टी (रास्वपा)सँग निर्णयबारे तत्काल स्पष्ट जानकारी दिन माग गरेका छन् ।
सरकारले असार ३२ गतेको मन्त्रिपरिषद् बैठकबाट एक रुपैयाँको सिक्कामा रहेको नेपालको नक्सा हटाई गुम्बाको चित्र राख्ने निर्णय गरेको बताइएको छ ।
प्रतिक्रिया दिनुहोस्
