विश्व खबर 
काठमाडौं – पृथ्वी राजमार्गअन्तर्गत चितवनको इच्छाकामना गाउँपालिका–४ स्थित घोप्टेभीरमा सुक्खा पहिरो खस्दा सडक दुईतर्फी अवरुद्ध भएको छ । आज बिहान करिब १० बजे पहिरो खसेपछि राजमार्गमा सवारी आवागमन ठप्प भएको हो । पहिरोका कारण सडकमा सवारीसाधन रोकिएका छन् ।
जिल्ला ट्राफिक प्रहरी कार्यालय चितवनका प्रमुख प्रहरी निरीक्षक अनिल थापाका अनुसार पहिरो पन्छाउने काम भइरहेको छ । थप पहिरो नखसेमा छिट्टै सडक दुईतर्फी सञ्चालनमा ल्याउन सकिने उनले बताए ।
थप पहिरो खस्ने जोखिम रहेकाले पहिरो पन्छाउने र सडक खुलाउने काम भइरहेको प्रहरीले जनाएको छ ।
प्रतिक्रिया दिनुहोस्
