विश्व खबर 
काठमाडौं– कांग्रेस र एमालेले दुई वर्षअघि भएको सातबुँदे सहमतिअनुसार मधेशबाहेक अधिकांश प्रदेशमा मुख्यमन्त्री परिवर्तन गर्ने तयारी गरेका छन् ।
प्रदेशहरूको बजेट पारित भइसकेपछि साउनदेखि नेतृत्व आलोपालो गर्ने विषयमा दुवै दलबीच अन्तिम छलफल हुने भएको हो ।
हाल बागमती, गण्डकी र सुदूरपश्चिममा कांग्रेस तथा कोशी, लुम्बिनी र कर्णालीमा एमाले नेतृत्वमा सरकार छन् ।
सहमतिअनुसार बागमती र गण्डकी एमालेले तथा लुम्बिनी र कर्णाली कांग्रेसले नेतृत्व गर्ने सम्भावना छ ।
सुदूरपश्चिममा भने नेकपालाई नेतृत्व दिने विकल्पबारे पनि छलफल भइरहेको छ ।
यसैबीच, २०७९ को निर्वाचनयता साढे तीन वर्षमा सात प्रदेशमा २८ पटक मुख्यमन्त्री फेरिएका छन् भने २९१ जनाले मन्त्री बन्ने अवसर पाएका छन्, जसले प्रदेश सरकारको अस्थिरतामाथि थप प्रश्न उठाएको छ ।
प्रतिक्रिया दिनुहोस्
