विश्व खबर 
काठमाडौं– लुम्बिनी प्रदेशमा एमालेले चार जना नयाँ मन्त्री सिफारिस गरेको छ ।
यसअघि एमालेका चार मन्त्रीले राजीनामा दिएपछि पार्टीले दोस्रो कार्यकालका सांसदलाई प्राथमिकतामा राख्दै नयाँ नाम अघि सारेको हो ।
सिफारिसमा गुल्मीका डिल्लीराज भुसाल, अर्घाखाँचीका रामजी घिमिरे, रूपन्देहीका तुलसीप्रसाद चौधरी र बाँकेका रत्न खत्री रहेका छन् ।
खत्री यसअघि पनि मन्त्री भइसकेका हुन् भने बाँकी तीन जना नयाँ अनुहार हुन् ।
मुख्यमन्त्री चेतनारायण आचार्यले मन्त्री चयनबारे छलफल जारी रहेको र अन्तिम निर्णय हुन बाँकी रहेको बताएका छन् ।
एमालेले सरकार पुनर्गठन र मन्त्रालय संख्या घटाउने तयारीबीच मन्त्री परिवर्तन गरेको हो ।
प्रतिक्रिया दिनुहोस्
