विश्व खबर 
मकवानपुर– बागमती प्रदेश सभाको बजेट अधिवेशन जेठ ११ गते दिउँसो १ बजेका लागि आह्वान गरिएको छ ।
प्रदेश प्रमुख दीपकप्रसाद देवकोटाले प्रदेश सरकारको सिफारिसमा अधिवेशन बोलाएका हुन् ।
अधिवेशनमा सरकारको नीति तथा कार्यक्रम, बजेटमाथि छलफल तथा ८ महिनादेखि रिक्त रहेको सभामुख चयन मुख्य एजेन्डा रहनेछ ।
तत्कालीन सभामुख भुवनकुमार पाठकले गत असोज १ गते राजीनामा दिएका थिए ।
सभामुख नहुँदा उपसभामुख अप्सरा चापागाईले संसद् सञ्चालन गरिरहेकी छन् ।
राजनीतिक दलहरूबीच सहमति नजुट्दा सभामुख चयन प्रक्रिया प्रभावित हुँदै आएको छ ।
यसअघि हिउँदे अधिवेशनमा दुई विधेयकमाथि सामान्य छलफल गरी समितिमा पठाइएको थियो ।
आगामी अधिवेशनमा बजेट पारित, विधेयक अघि बढाउने र सभामुख चयन गर्ने मुख्य जिम्मेवारी रहने प्रदेश सभा सचिवालयले जनाएको छ ।
प्रतिक्रिया दिनुहोस्
