विश्व खबर 
काठमाडौं– कांग्रेस–एमाले सातै प्रदेश सरकार फेरबदलको तयारीमा जुटेका छन् ।
एमाले अध्यक्ष केपी शर्मा ओलीले पार्टी सचिवालयमा कांग्रेससँग निर्णायक संवाद हुने जानकारी दिएका छन् ।
नयाँ समीकरणमा कांग्रेसले ४ प्रदेशको नेतृत्व दाबी गरेको छ भने नेकपाले सुदूरपश्चिमसहित तीनदलीय सहकार्यको प्रस्ताव अघि सारेको छ ।
कांग्रेस–एमालेबीच बजेटअघि वा पछि सरकार परिवर्तन गर्नेबारे छलफल जारी छ ।
कांग्रेस सभापति गगन थापा नेतृत्व आएपछि कोशी र कर्णालीमा पनि कांग्रेसको दाबी बलियो बनेको छ ।
एमालेले भने कांग्रेससँग सहकार्यलाई प्राथमिकता दिँदै नेकपालाई समेत सरकारमा सहभागी गराउने सम्भावना खुला राखेको छ ।
मंगलबार गुण्डुमा कांग्रेस उपसभापति विश्वप्रकाश शर्मा र सहमहामन्त्री उदय शमशेर जवराले ओलीसँग भेटेर प्रदेश सरकारको आलोपालो नेतृत्वबारे छलफल गरेका थिए ।
नेताहरूका अनुसार आज–भोलिमै सातै प्रदेशको नयाँ सत्ता समीकरणबारे टुंगो लाग्न सक्छ ।
