विश्व खबर 
काठमाडौं– अमेरिकी राष्ट्रपति डोनाल्ड ट्रम्पले इरानलाई हतियार नदिन चीनलाई चेतावनी दिएका छन् ।
अमेरिकी खुफिया सूचनाका आधारमा केही मिडियाले चीनले इरानलाई एयर डिफेन्ससम्बन्धी हतियार पठाउने तयारी गरेको बताएका छन् ।
यस विषयमा प्रतिक्रिया दिँदै ट्रम्पले चीनले यस्तो कदम चालेमा ठूलो समस्या पर्ने चेतावनी दिएका हुन् ।
यसअघि अमेरिका र इजरायलले इरानमाथि आक्रमण गरेका थिए भने हालै भएको युद्धविरामपछि पनि पाकिस्तानमा भएको वार्ता निष्कर्षविहीन बनेको छ ।
अमेरिकी उपराष्ट्रपति जेडी भान्सका अनुसार इरानले अमेरिकी सर्त अस्वीकार गरेको छ ।
दुवै पक्षले एकअर्कालाई कडा र अव्यावहारिक माग राखेको आरोप लगाउँदै द्वन्द्व फेरि चर्किने संकेत देखिएको छ ।
प्रतिक्रिया दिनुहोस्
