विश्व खबर 
काठमाडौं- सरकारले वैदेशिक रोजगारीमा जाने श्रमिकले अब विमानस्थलमा टिकटको बिल पनि अनिवार्य देखाउनु पर्ने व्यवस्था गरेको छ ।
वैदेशिक रोजगार विभागले सोमबार सूचना जारी गर्दै २९ चैतदेखि यस्तो व्यवस्था लागु हुने जानकारी दिएको हो ।
यो व्यवस्था व्यक्तिगत र म्यानपावर कम्पनीमार्फत जाने दुवै श्रमिकका हकमा लागु हुने विभागले जानकारी दिएको छ ।
त्यस्तै, विभागले म्यानपावर कम्पनीमार्फत जाने श्रमिकले आफूले तिरेको सेवा शुल्कको आधिकारिक रसिद पनि साथमा राख्नु पर्ने जनाएको छ ।
विभागले इजाजतपत्र प्राप्त म्यानपावर कम्पनीहरूलाई श्रमिकबाट लिएको रकमको भौचर वा रसिद अनिवार्य रूपमा उपलब्ध गराउन निर्देशन दिएको छ ।
विभागले यो व्यवस्था श्रमिकको पारदर्शिता र ठगी नियन्त्रणका लागि लागू गरिएको जनाएको छ।
प्रतिक्रिया दिनुहोस्
