विश्व खबर 
काठमाडौं– नेपाली कांग्रेसले पार्टीको जनमत आकलन गर्न प्रदेशअनुसार नेताहरूलाई जिल्लागत जिम्मेवारी दिएको छ ।
उपसभापति विश्वप्रकाश शर्माको नेतृत्वमा रहेको निर्वाचन परिचालन समितिले सातै प्रदेशमा ६ दर्जनभन्दा बढी नेताहरू परिचालन गरेको हो ।
समितिका अनुसार नेताहरूलाई जिल्लामा खटाएर जनमत बुझ्ने, कमजोर रहेका क्षेत्र पहिचान गर्ने र सुधारका उपाय खोज्ने उद्देश्य राखिएको छ ।
उनीहरूले स्थलगत रूपमा संकलन गर्ने ब्रिफिङका आधारमा आगामी प्रचार–प्रसार रणनीति तय गर्ने कांग्रेसको तयारी छ ।
सहमहामन्त्री डा. डिला संग्रौला पन्तले आफू कोशी प्रदेशमा खटिएको जानकारी दिँदै पार्टीले देशव्यापी रूपमा जनमत बुझ्ने अभियान सुरु गरेको बताइन् ।
प्रतिक्रिया दिनुहोस्
