विश्व खबर 
काठमाडौं– पछिल्लो साताको बक्स अफिस रिपोर्टले हलमा चलिरहेका नेपाली चलचित्रको व्यापार मिश्रित देखाएको छ ।
प्रतिस्पर्धात्मक रिलिज र कमजोर दर्शक उपस्थितिका बीच केही फिल्मले अपेक्षाभन्दा राम्रो कमाइ गरेका छन् ।
९ माघदेखि प्रदर्शनमा आएको सामाजिक कथामा आधारित ‘परिवर्तन’ले शनिबार रातिसम्म ३१ लाख ९ हजार ९२५ रुपैयाँ ग्रस कलेक्सन गरेको छ ।
सुशील श्रेष्ठ र अञ्जना बराइली अभिनीत यो फिल्मले सीमित शो हुँदाहुँदै पनि मध्यम व्यापार गर्न सफल भएको हो ।
१ माघदेखि प्रदर्शनरत ‘गोबर गणेश’ भने साताको बक्स अफिसमा अग्रस्थानमा रहेको छ ।
मरिचमान श्रेष्ठ र वर्षा शिवाकोटी अभिनीत उक्त फिल्मले हालसम्म १ करोड ३६ लाख २० हजार ८६६ रुपैयाँ ग्रस कलेक्सन गरेको छ ।
यसैबीच दयाहाङ राई, सिर्जना निङलेखु र प्रकाश सपुत अभिनीत ‘मिरमिरे’ले ३३ लाख ९३ हजार ७२५ तथा निगम श्रेष्ठ निर्देशित ‘भाइरल गोर्खे’ले ३६ लाख १० हजार ९२५ रुपैयाँ कमाएका छन् ।
चुनावी माहौलका कारण दर्शक संख्या घटे पनि ‘गोबर गणेश’को व्यापार सन्तोषजनक देखिएको छ ।
