विश्व खबर 
काठमाडौं– आउँदो २१ फागुनको निर्वाचनमा नेपाली कला क्षेत्रबाट धेरै कलाकर्मी उम्मेदवार बनेका छन् ।
उनीहरू प्रायः राजनीतिक दलबाट उम्मेदवार भए पनि सुशासन र देश निर्माणको नारा लिएर अघि बढेका छन् ।
चर्चित अभिनेत्री निशा अधिकारी काठमाडौं–५ बाट गतिशील लोकतान्त्रिक पार्टीका तर्फ प्रत्यक्ष उम्मेदवार बनिन् ।
उनले ‘वडा वडामा दिगो रोजगारी’ मुद्दा अघि सारेकी छन् ।
अभिनेत्री तथा सामाजिक अभियन्ता आशिका तामाङ धादिङ–१ बाट राष्ट्रिय स्वतन्त्र पार्टी (रास्वपा) बाट प्रत्यक्ष उम्मेदवार बनेकी छिन् ।
काठमाडौंका पूर्वमेयर र र्यापर बालेन शाह झापा–५ बाट रास्वपा तर्फ प्रत्यक्ष उम्मेदवार हुन् ।
प्रस्तोता तथा अभिनेत्री रीमा विश्वकर्मा रास्वपाको समानुपातिक उम्मेदवार छन् ।
गायक तथा अभिनेता प्रकाश सपुत, पूर्व मिस नेपाल अनुष्का श्रेष्ठ र गायक रमेश प्रसाईं पनि रास्वपाबाट समानुपातिक उम्मेदवार बनेका छन् ।
एमालेले गायिका कोमल वलीलाई समानुपातिक उम्मेदवार बनाएको छ ।
यसैगरी, केही साना दलहरू जस्तै गतिशील लोकतान्त्रिक पार्टी र उज्यालो नेपाल पार्टीले पनि कलाकर्मीलाई उम्मेदवार बनाएका छन् ।
त्यसबाहेक, नेपाली कांग्रेस र माओवादी/समाजवादी पार्टीले प्रत्यक्ष वा समानुपातिक दुवैतर्फ कलाकर्मीलाई समेट्न सकेका छैनन् ।
नेपाल सांस्कृतिक महासंघका पूर्वमहामन्त्री गणेश सुवेदीका अनुसार, कांग्रेसले विगतदेखि नै कलाकर्मीलाई उपेक्षित गर्दै आएको छ र युवा नेतृत्वले यसमा ध्यान दिनु पर्ने देखिन्छ ।
