विश्व खबर 
काठमाडौं– अधिवक्ता स्वागत नेपाललाई साइबर ब्युरोले सोधपुछका लागि बोलाएको छ ।
ब्युरोका प्रवक्ता एसपी दीपकराज अवस्थीका अनुसार नेपालविरुद्ध उजुरी परेपछि उनलाई बोलाइएको हो ।
“अनर्गल अभिव्यक्तिबारे उजुरी परेको छ, तिहारपछि आउने भन्नुभएको छ,” अवस्थीले बताए ।
नेपालले पनि भिडियोमार्फत आफूलाई ब्युरोले सम्पर्क गरेको पुष्टि गरेका छन् ।
उनले तिहारपछि उपस्थित हुने जानकारी गराएको बताए ।
उनका अनुसार, पूर्वप्रधानन्यायाधीश तथा अन्तरिम प्रधानमन्त्री सुशीला कार्कीमाथि उठाएका प्रश्नकै कारण उजुरी गरिएको हो ।
“प्रधानन्यायाधीश राष्ट्रपतिभन्दा पनि उच्च नैतिक पद हो, तर उहाँले नैतिक उदाहरण तोड्नुभयो,” उनले भिडियोमा भने ।
प्रतिक्रिया दिनुहोस्