काठमाडौं- ऊर्जा, जलस्रोत तथा सिँचाइमन्त्री कुलमान घिसिङले नयाँ गठन भएको उज्यालो नेपाल पार्टीसँग आफू संवादमा नरहेको स्पष्ट पारेका छन् ।
ज्ञानेन्द्रकुमार तामाङको नेतृत्वमा केही दिनअघि निर्वाचन आयोगमा दर्ताका लागि निवेदन दिइएको उक्त पार्टीसँग आज भर्चुअल बैठक हुने हल्ला चलेको थियो, तर मन्त्री घिसिङले त्यसमा सहभागी नहुने बताए ।
घिसिङले नेपाल विद्युत् प्राधिकरणको कार्यकारी निर्देशकको रूपमा तत्कालीन ओली सरकारले अपमानजनक तरिकाले हटाएपछि उज्यालो नेपाल अभियान सञ्चालन गरेका थिए ।
अहिले उनी ऊर्जा, सहरी विकास र भौतिक पूर्वाधार तथा यातायात मन्त्री हुन् ।
उज्यालो नेपाल पार्टीले उनको तस्बिर प्रयोग गर्दै प्रचार गरेको भए पनि घिसिङले आफू यसमा संलग्न नरहेको बताए ।
प्रतिक्रिया दिनुहोस्






















