विश्व खबर 
मस्को- रुस र युक्रेनले बिहीबार १८५ युद्धबन्दी साटासाट गरेका छन् ।
रुसको रक्षा मन्त्रालयका अनुसार यस क्रममा २० जना सर्वसाधारण पनि मुक्त भएका छन् ।
युक्रेनी राष्ट्रपति भोलोदिमिर जेलेन्स्कीले सामाजिक सञ्जालमार्फत आदानप्रदानको पुष्टि गर्दै मुक्त गरिएका व्यक्तिहरूलाई आवश्यक सहयोग उपलब्ध हुने बताएका छन् ।
उनका अनुसार, आक्रमण सुरु भएदेखि ७ हजारभन्दा बढी नागरिकलाई घर फर्काइएका छन्.।
गत मे–जुलाईमा इस्तानबुलमा भएको वार्तापछि पनि ठूलो संख्यामा कैदी आदानप्रदान भएको थियो ।
युद्धबीच दुवै पक्षले मृत सैनिकहरूको स्वदेश फिर्तीका लागि नियमित चरण सञ्चालन गर्दै आएका छन् ।
सन् २०२२ मा रुसले आक्रमण सुरु गरेयता दुबै पक्षका दशौँ हजार सैनिक मारिएका छन्, तर आधिकारिक हताहत विवरण भने सार्वजनिक गरिएको छैन । -रासस/एएफपी
प्रतिक्रिया दिनुहोस्
