काठमाडौं- अविरल वर्षा, बाढी र पहिरोका कारण शुक्रबार (असोज १७) देशका विभिन्न पाँच स्थानमा राजमार्ग अवरुद्ध भएका छन् ।
नेपाल प्रहरीले दिएको जानकारीअनुसार संखुवासभा, रसुवा र सिन्धुपाल्चोकका सडक अवरुद्ध रहँदा यातायात प्रभावित भएको छ ।
आज बिहान ७ बजेसम्मको विवरणअनुसार संखुवासभाको भोटखोला गाउँपालिका–४ बरुण र मकालु गाउँपालिका–३ एकुवामा कोसी राजमार्ग बन्द छ ।
बरुणमा ताजा पहिरो खसेको र एकुवा खण्ड भने लामो समयदेखि नै रोकिएको प्रहरीले जनाएको छ ।
त्यस्तै, रसुवाको गोसाइँकुण्ड नगरपालिका–२ मा बाढीका कारण सडक खोल्न नसकिएकोले नेपाल–चीन नाका अवरुद्ध छ ।
पासाङल्हामु राजमार्गमा पर्ने पुलसमेत बन्द हुँदा व्यापारिक आवागमन प्रभावित भएको छ ।
सिन्धुपाल्चोकको भोटेकोसी गाउँपालिका–४, चारकिल्लामा खसेको ठूलो पहिरोका कारण अरनिको राजमार्ग पूर्ण रूपमा बन्द भएको छ ।

प्रतिक्रिया दिनुहोस्






















