विश्व खबर 
काठमाडौं– पेरूका युवा भ्रष्टाचार र आर्थिक असुरक्षाविरुद्ध सडकमा उत्रिएका छन् ।
सेप्टेम्बर २७ मा राजधानी लिमामा हजारौं युवा राष्ट्रपति दीना बोलुआर्तेविरुद्ध नाराबाजी गर्दै विरोध प्रदर्शनमा थिए ।
प्रदर्शनमा प्रहरी र युवा बीच झडप भएको छ, प्रहरीले लाठीचार्ज र अश्रुग्यास प्रयोग गरे, युवाहरूले ढुंगा प्रहार र आगजनीमा प्रतिक्रिया दिए ।
आन्दोलन पेन्सन प्रणालीमा नयाँ नियम लागू भएपछि सुरु भएको हो, जसअनुसार १८ वर्ष पूरा भएका सबै नागरिकले पेन्सन कम्पनीसँग जोडिनैपर्ने हुन्छ ।
युवा विद्यार्थीहरूले जापानी एनिमे ‘वन पिस’ का पात्र लूफीलाई आफ्नो आदर्श मान्दै भ्रष्टाचार र तानाशाहीविरुद्ध लड्ने संकल्प देखाएका छन् ।
विद्यार्थी नेता मुन्योस भन्छन्, “लूफी जहाँ गयो, त्यहाँ जनता भ्रष्ट शासकबाट मुक्त भयो ।
पेरूमा पनि अब हामी चुप लागेर बस्दैनौं।” सान्टियागो भन्छन्, “सरकार जनतासँग डराउनुपर्छ, जनता सरकारसँग होइन ।”
पेरूको १८–२९ वर्षका युवाहरूले आन्दोलनको मेरुदण्ड बनेका छन् ।
उनीहरूले रोजगारी, शिक्षा र सुरक्षामा ध्यान दिनुपर्ने, जबरजस्ती पेन्सन थोपर्न नहुने माग राखेका छन् ।
प्रिन्सटन विश्वविद्यालयका प्राध्यापक जो–मेरी बर्टका अनुसार, पेरूमा असन्तोष लामो समयदेखि बढ्दै आएको छ र हालको प्रशासन अदालत र निगरानी संस्थालाई कमजोर बनाएको आरोपमा छ ।
आन्दोलनले खानी उद्योगसमेत प्रभावित पार्दै अर्थतन्त्रमा दबाब थपेको छ ।
