कैलाली- कैलालीमा फरार कैदीबन्दीलाई असोज २० गतेसम्म कारागार वा प्रहरीले सम्पर्कमा आउन समय दिइएको छ ।
यो म्यादसम्म नआए कारागार ऐन र कानुन बमोजिम कारबाही गरिने जिल्ला प्रशासन कार्यालयले जनाएको छ ।
साथै, फरारलाई लुकाउने वा आश्रय दिने व्यक्तिहरूलाई पनि कारबाही गरिनेछ ।
सहायक प्रमुख जिल्ला अधिकारी किरण जोशीको संयोजकत्वमा फरार कैदीबन्दी खोजी र पक्राउ कार्यदल गठन भइसकेको छ ।
प्रशासनले सर्वसाधारणलाई पनि सहयोग गर्न र जानकारी भए प्रहरी वा १०० नम्बरमा गोप्य रूपमा खबर गर्न आग्रह गरेको छ ।
जेनजी आन्दोलनको क्रममा कैलाली कारागारबाट ६६६ कैदीबन्दी फरार भएका थिए, जसमा ३२७ जना फिर्ता भइसकेका छन् ।
कतिपय फरार अन्य जिल्लाका कारागारबाट पनि भएका थिए र केही फेरि अन्य जिल्लाका कारागारमा फिर्ता पुगेका छन् ।
प्रतिक्रिया दिनुहोस्






















