images
images
  • नख्खु जेलब्रेक गरेर भागेका ६५१ जना कैदीबन्दी अझै फर्किएनन्

    ललितपुर- भदौ २३-२४ मा भएको जेनजी आन्दोलनका क्रममा नख्खु कारागारबाट १,२८० कैदीबन्दी फरार भएका थिए ।

    अहिले सम्म ५८७ जना स्वेच्छाले फर्किएका छन् भने अझै ६५१ जना फरार छन् ।

    कारागार व्यवस्थापन विभागले उनीहरूलाई असोज २० गतेसम्म आत्मसमर्पण गर्न आग्रह गरेको छ ।

    तोकिएको समयभित्र नफर्के कारागार ऐन, २०७९ अनुसार कानुनी कारबाही हुने चेतावनी दिइएको छ ।

    फरार कैदी फिर्ता गराउन परिवार, स्थानीय तह, सुरक्षा निकाय र सञ्चार माध्यमलाई सहयोग गर्न पनि विभागले अनुरोध गरेको छ ।

    फरारहरूले नजिकैको प्रहरी कार्यालय वा कारागारमा सम्पर्क गरेर आत्मसमर्पण गर्न सक्ने व्यवस्था गरिएको छ ।

    प्रतिक्रिया दिनुहोस्
    images
    images