काठमाडौं- सुरक्षा अवस्थालाई मध्यनजर गर्दै नेपाली सेनाले काठमाडौं उपत्यकामा जारी कर्फ्यूको अवधि थप गरेको छ ।
सेनाले दिएको जानकारीअनुसार काठमाडौं, ललितपुर र भक्तपुर जिल्लामा लागू भएको निषेधाज्ञा तथा कर्फ्यू भदौ २७ गते बिहान ६ बजेसम्म कायम रहनेछ ।
यद्यपि, अत्यावश्यक सेवा सञ्चालन गर्ने सवारी साधन तथा संस्थालाई भने अनुमति दिइनेछ ।
जनजीवन सहज बनाउन दैनिक उपभोग्य सामानको आपूर्ति व्यवस्थाका लागि २६ गते बिहान ६ देखि ९ बजेसम्म र साँझ ५ देखि ७ बजेसम्म बजार खुला रहने व्यवस्था गरिएको छ ।
सेनाले यस अवधिमा अत्यावश्यक काम बाहेक ठूलो समूहमा भेला नहुन र स–साना समूहमै गतिविधि सीमित गर्न आग्रह गरेको छ ।
प्रतिक्रिया दिनुहोस्






















