काठमाडौं– सन् १९९७ देखि २०१२ बीच जन्मिएका जेनजी पुस्ताका युवाहरूले सोमबार राजधानीमा प्रदर्शन गर्ने भएका छन् ।
सामाजिक सञ्जाल बन्द गर्ने सरकारी निर्णय र देशमा बढ्दै गएको भ्रष्टाचारविरुद्ध उनीहरूले भदौ २३ गते बिहान ११ बजे माइतीघर मण्डलमा विरोध प्रदर्शन गर्न लागेको जनाएका छन् ।
आयोजकहरूले विद्यार्थीहरूलाई पोशाकसहित, परिचयपत्र र कम्तीमा एउटा किताब बोकेर उपस्थित हुन आग्रह गरेका छन् ।
यसबारेमा टिकटकलगायत सामाजिक सञ्जालमा टेण्ड नै चलेको छ ।
सरकारले नेपालमा दर्ता नगरेका २६ वटा सामाजिक सञ्जाल बन्द गर्ने निर्णय गरेको थियो ।
सो निर्णयलाई अस्वीकार गर्दै जेनजी पुस्ताले माइतीघरमा भेला भएर विरोध जनाउने भएका हुन् ।
आयोजकहरूले ललिता निवास जग्गा प्रकरणलगायत ठूला भ्रष्टाचार, वंशवाद, असमान सम्झौता, नागरिक अधिकार हनन्, बेरोजगारी लगायत मुद्दा उठाउने जनाएका छन् ।
उनीहरूको मागमा सुशासन, रोजगारी सिर्जनाको वातावरण र समान अवसर सुनिश्चितताजस्ता विषय समेटिएका छन् ।























