विश्व खबर 
काठमाडौं– रूसी राष्ट्रपति भ्लादिमिर पुटिनले युक्रेनमा सुरक्षा ग्यारेन्टी दिन तैनाथ हुने पश्चिमी सेनामाथि आक्रमण गर्ने चेतावनी दिएका छन् ।
उनले यो भनाइ फ्रान्सेली राष्ट्रपति इमानुएल म्याक्रोनले २६ देशले युक्रेनलाई युद्धपछिको सुरक्षा दिने घोषणा गरेको भोलिपल्ट दिएका हुन् ।
पुटिनले युक्रेनमा देखापर्ने कुनै पनि पश्चिमी सेना रूसको “वैधानिक निशाना” हुने चेतावनी दिँदै यस्तो उपस्थितिको दीर्घकालीन शान्तिमा कुनै अर्थ नदेखिने बताए ।
यसबीच, अमेरिकी पूर्वराष्ट्रपति डोनाल्ड ट्रम्पले युरोपेली नेताहरूलाई युक्रेनलाई अमेरिकी सुरक्षा प्रत्याभूति दिन तयार रहेको बताएका छन् ।
उनले हालै अलास्कामा पुटिनसँगको छलफलबारे युक्रेनी राष्ट्रपति जेलेन्स्की र युरोपेली नेताहरूसँग जानकारी साझा गरेका थिए ।
पुटिनले युद्ध अन्त्यका लागि क्राइमिया र डोनबाससहित कब्जामा रहेका क्षेत्रलाई रूसको भू–भागका रूपमा मान्यता दिनुपर्ने माग राखेका छन् ।
जसलाई जेलेन्स्कीले अस्वीकार गरेका छन् ।
तर युक्रेनले फेरि आक्रमण हुन नदिन पश्चिमी सेनाको उपस्थिति र अमेरिकी सहयोगलाई महत्त्वपूर्ण ठानेको छ ।
युरोपेली देशहरूले यसै उद्देश्यले युक्रेनमा सुरक्षा ग्यारेन्टीबारे छलफल गरेको भोलिपल्टै पुटिनको चेतावनी आएको हो ।
