काठमाडौं– राष्ट्रिय स्वतन्त्र पार्टी (रास्वपा)का नेता अरनिको पाँडेलाई जिल्ला अदालत काठमाडौंले शुक्रबार २० हजार रुपैयाँ धरौटीमा रिहा गर्न आदेश दिएको छ ।
न्यायाधीश ध्रुवराज कार्कीको इजलासले गरेको आदेशबारे साइबर ब्युरोका प्रवक्ता एसपी दीपकराज अवस्थीले जानकारी दिएका हुन् ।
विद्युतीय कारोबार ऐन, २०६३ अन्तर्गत दफा ४७ अनुसार कसुर गरेको अभियोगमा पाँडे बुधबार साइबर ब्युरोमा उपस्थित भएका थिए ।
बयान लिएर बिहीबार सरकारी वकिलको कार्यालयमा प्रतिवेदन बुझाइएको र शुक्रबार बिहान मुद्दा दायर भएपछि सुनुवाइमा पेशी चढेको थियो ।
पाँडे विरुद्ध एक महिलाले जिमेलमार्फत गालीगलौज गरेको भन्दै साउन १२ गते साइबर ब्युरोमा जाहेरी दिएकी थिइन् ।
भदौ ५ गते पक्राउ पुर्जी जारी भएपछि प्रहरीले उनको खोजी सुरु गरेको थियो ।
पाँडे र एमाले केन्द्रीय सदस्य ऐन महरको मुद्दा एउटै प्रकृति थियो ।
तर, महरलाई पक्राउ गरेको केही घण्टामै एक रुपैयाँ नलिएर प्रहरीले छोडेको थियो ।























