विश्व खबर 
काठमाडौं– दिल्लीकी मुख्यमन्त्री रेखा गुप्तामाथि बुधबार उनका सरकारी निवासमा आक्रमण भएको छ ।
उनी साप्ताहिक ‘जनसुनुवाइ’ कार्यक्रममा सर्वसाधारणको गुनासो सुन्दै गर्दा ४१ वर्षीय राजेश भाइ नामका व्यक्तिले उनलाई कपाल समातेर तानेर थप्पड हान्ने प्रयास गरेका थिए ।
सुरक्षाकर्मीले आक्रमणकारीलाई तुरुन्तै पक्राउ गरी प्रहरीको जिम्मा लगाएका छन् ।
धकेलाधकेलका क्रममा मुख्यमन्त्री लडेकी थिइन् र टाउकोमा चोट लागेको थियो ।
उनलाई अस्पतालमा चेकजाँच गरिएको छ र स्वास्थ्य अवस्था सामान्य रहेको बताइएको छ ।
मुख्यमन्त्री कार्यालयका कर्मचारीहरूले पनि आक्रमणकारीले पत्र दिन्छु भनी अपशब्द प्रयोग गर्दै थप्पड हानेको बताएका छन् ।
घटना कमजोर सुरक्षा व्यवस्थाका कारण भएको अनुमान गरिएको छ ।
प्रतिक्रिया दिनुहोस्
