विश्व खबर 
काठमाडौं– अमेरिकाका पूर्वराष्ट्रपति डोनाल्ड ट्रम्प र युक्रेनका राष्ट्रपति भोलोदिमिर जेलेन्स्कीबीच वासिङ्टनस्थित ह्वाइट हाउसमा भेट हुनुअघि नै रुसले युक्रेनका विभिन्न सहरहरूमा आक्रमण गरेको छ ।
खार्किभका मेयर इहोर तेरेखोभका अनुसार रुसको ड्रोन हमलामा एक अपार्टमेन्ट ब्लकमा कम्तीमा चार जनाको मृत्यु भएको छ ।
जसमा एक बच्चा पनि छन् ।
मेयर तेरेखोभले भने, ‘भवनको एक भाग भत्किएको छ र धेरै मानिस भग्नावशेषमा फसेको आशंका छ ।’
जापोरिजिया क्षेत्रमा पनि रुसले ग्लाइड बम प्रहार गरेको थियो ।
जसमा एक जनाको मृत्यु र ६ जना घाइते भएका छन् ।
स्थानीय अधिकारीहरूले बताएका छन् ।
युक्रेनी वायुसेनाले जनाएको छ कि रुसले रातभर युक्रेनमा चार मिसाइल र १४० ड्रोन मार्फत आक्रमण गरेको छ ।
वायुसेनाले दाबी गरेको छ कि रुसले २५ विभिन्न स्थानमा ८८ ड्रोन खसालेको छ ।
यसैबीच पूर्वराष्ट्रपति ट्रम्पले गत शुक्रबार अलास्कामा रुसका राष्ट्रपति भ्लादिमिर पुटिनसँग भेटवार्ता गरेका थिए ।
सोमबार वासिङ्टनमा उनले युक्रेनका राष्ट्रपति जेलेन्स्कीसँग भेट गर्दै छन् ।
त्यसअघि ट्रम्पले युक्रेनलाई क्रिमिया फिर्ता दिन नसकिने स्पष्ट पारेका थिए ।
शुक्रवारको ट्रम्प–पुटिन भेटवार्तामा पनि कुनै ठोस सहमति निकाल्न सकिएको थिएन ।
