images
images
  • मोदीले बाल नदिएपछि फेरि चीन जाँदै प्रधानमन्त्री ओली

    काठमाडौं– प्रधानमन्त्री केपी शर्मा ओली भदौ दोस्रो सातामा चीन भ्रमणमा जाने निश्चित भएको छ ।

    उनी विभिन्न देशका सरकार तथा राष्ट्र प्रमुखहरू सहभागी हुने शिखर सम्मेलनमा भाग लिन चीन जाने भएका छन् ।

    उक्त सम्मेलनमा भारतीय प्रधानमन्त्री नरेन्द्र मोदी पनि उपस्थित रहनेछन् ।

    प्रधानमन्त्री ओलीले चीनका राष्ट्रपति सी जिनपिङ र प्रधानमन्त्री मोदीसँग भेटवार्ता गर्ने कार्यक्रम छ ।

    चीनबाट फर्किएपछि प्रधानमन्त्रीले भारतको औपचारिक भ्रमण गर्ने तयारी समेत भएको छ ।

    शिखर सम्मेलन आगामी अगस्ट ३१ र सेप्टेम्बर १ मा तियानजिन शहरमा आयोजना हुँदैछ ।

    यसअघि सो सम्मेलनमा राष्ट्रपति रामचन्द्र पौडेल सहभागी हुने विषयमा छलफल भइरहेको थियो ।

    तर राष्ट्रपति नजाने भएपछि प्रधानमन्त्री ओलीको सहभागिता तय भएको हो ।

    गत वर्ष प्रधानमन्त्री भएपश्चात ओलीको पहिलो विदेशी भ्रमण चीनमै भएको थियो ।

    एक वर्षभित्रै हुन लागेको यो दोस्रो चीन भ्रमण हो ।

    विश्व दुई ध्रुवमा विभाजित हुँदै गइरहेको वर्तमान अवस्थामा, चीनको यो सम्मेलनलाई विशेष महत्वका साथ हेरिएको छ ।

    प्रतिक्रिया दिनुहोस्
    images
    images