images
images
  • सहकारी ठगी प्रकरण : रवि लामिछानेको निवेदन न्यायाधीश सापकोटाको इजलासमा

    काठमाडौं– राष्ट्रिय स्वतन्त्र पार्टी (रास्वपा)का सभापति रवि लामिछानेले सुप्रिम सहकारी ठगी मुद्दामा बिगो रकम धरौटी राखेर साधारण तारेखमा रिहा गर्न माग गर्दै जिल्ला अदालत रुपन्देहीमा निवेदन दायर गरेका छन् ।

    उक्त निवेदन सोमबार (साउन २६) न्यायाधीश नारायण सापकोटाको इजलासमा परेको छ ।

    रुपन्देही जिल्ला अदालतका न्यायाधीश वशिष्टकुमार घिमिरेको इजलासले लामिछानेलाई एक करोड रुपैयाँ धरौटीमा रिहा गर्ने आदेश दिएको थियो ।

    त्यसपछि उनी ७३ वटा निवेदनसहित उच्च अदालत पुगेका थिए ।

    गत वर्ष चैत २२ गते उच्च अदालतको आदेशमा लामिछाने मुद्दा पुर्पक्षका लागि थुनामा राखिएका थिए ।

    उच्च अदालतको आदेशविरुद्ध उनले सर्वोच्च अदालतमा पुनः ७३ नम्बरको निवेदन दिएका थिए ।

    तर, सर्वोच्चले पनि उच्च अदालतको आदेश सदर गरेको थियो ।

    अहिले लामिछानेले जिल्ला अदालतमा सहकारी ऐनको दफा १३१(क) अनुसार बिगो रकम तिरेर साधारण तारेखमा रिहा हुन पुनः निवेदन दिएका छन् ।

    उनको निवेदनमा भनिएको छ कि उक्त कानुन उनको हकमा लागु नहुन सक्छ भने पनि उनले दुई करोड ८४ लाख रुपैयाँको बैंक ग्यारेन्टी बिगोका रूपमा पेश गरेका छन् ।

    यद्यपि दफा १३१(क) को उपदफा २ ले संगठित अपराध तथा सम्पत्ति शुद्धीकरणसम्बन्धी अभियुक्तलाई मिलापत्र गर्न प्रतिबन्ध लगाएको उल्लेख गरिएको छ ।

    प्रतिक्रिया दिनुहोस्
    images
    images