images
images
  • कांग्रेस–एमालेसहित ४ दलको गठबन्धनसँग एक्लै भिडेका रास्वपा उम्मेदवार दोब्बर मतले विजयी

    काठमाडौं– चन्द्रपुर नगर उद्योग वाणिज्य संघको निर्वाचनमा चार दलीय गठबन्धनलाई पराजित गर्दै राष्ट्रिय स्वतन्त्र पार्टी (रास्वपा) निकट उम्मेदवार उदय नारायण सापकोटा अध्यक्षमा निर्वाचित भएका छन् ।

    पूर्वप्रधानमन्त्री माधव नेपाल र प्रभु साहको प्रभाव क्षेत्र रहेको रौतहटमा नेपाली कांग्रेस, एमालेसहितको गठबन्धनका साझा उम्मेदवार सुनिल साहलाई पराजित गर्दै सापकोटाले ५०२ मत प्राप्त गरे ।

    साहले २६९ मत ल्याए । सापकोटा झन्डै दोब्बर मतले विजयी भएका हुन् ।

    ८०२ मत खसेको निर्वाचनमा कुल १,०९७ मतदाता रहेका थिए ।

    अन्य पदका उम्मेदवारहरू भने निर्विरोध निर्वाचित भएका छन् ।

    विजयी भएपछि सापकोटाले चन्द्रपुरको पहिचान र व्यवसायी हितमा सक्रिय रहने प्रतिबद्धता व्यक्त गरेका छन् ।

    रास्वपा अध्यक्ष रवि लामिछानेमाथि भएको राजनीतिक प्रतिशोधविरुद्ध हस्ताक्षर अभियान चलिरहेका बेला भएको यस जितलाई रास्वपाले सशक्त सन्देशको रूपमा लिएको छ ।

    प्रतिक्रिया दिनुहोस्
    images
    images