विश्व खबर 
जेरुसेलम- इजरायली सेनाले गाजा पट्टीमा गरेको पछिल्लो हवाई आक्रमणमा कम्तीमा १२ जनाको मृत्यु भएको छ । अन्य २० जना घाइते भएका छन्।
स्थानीय समय अनुसार मंगलबार बिहान दुई बजे गाजा क्षेत्रभरी आवासीय फ्ल्याटहरूलाई लक्षित गरी विस्फोट गराइएको थियो । प्यालेस्टिनी इस्लामिक जिहाद (पीआईजे) आन्दोलनले पत्नी र बच्चाहरूसहित आफ्ना तीन नेता मारिएकोमा आक्रोस व्यक्त गरेको अलजजिराले जनाएको छ।
प्यालेस्टिनी इस्लामिक जिहाद आन्दोलनका तीन वरिष्ठ सदस्य इजरायली सेनाको मंगलबार बिहानको बमबारीमा मारिएका थिए । गाजामा ’अपरेसन शिल्ड एण्ड एरो’ अन्तर्गत विस्फोट भएको थियो।
सो कारबाही अघि गाजाको ४० किलोमिटर (२५ माइल) भित्रका इलाकाका इजरायली बासिन्दाहरूलाई जवाफी हमलाहरूको डरले सन्त्रासमा पारिएको थियो।
द टाइम्स अफ इजरायलका अनुसार इस्लामिक जिहादका नेताहरूमाथि अघिल्लो हमलाहरूले इजरायली नागरिकहरूमा रकेटको ब्यारेज र इजरायली सेनाहरूसँगको तीव्र लडाइँहरू निम्त्याएको छ । सो हमला केही दिनसम्म चलेको थियो।
सेनाले आतंककारी प्रशिक्षण स्थलहरूलाई लक्षित गर्दा आकासतिर फायरबलहरू पठाउँदै आगामी घण्टाहरूमा स्ट्रिपभर दर्जनौं स्ट्राइकहरू उल्लेख गरियो। सेनाले अभियानलाई ‘अपरेसन शिल्ड एण्ड एरो’ नाम दिएको छ ।
प्यालेस्टिनी इस्लामिक जिहाद कार्यकर्ता अदनानको झण्डै तीन महिनादेखिको अनसन बसेपछि गत हप्ता मृत्यु भएपछि बम विस्फोट भएको हो। प्यालेस्टिनियन प्रिजनर्स सोसाइटीका अनुसार अदनानले विना कारण जेल सजायको विरोधस्वरुप ८७ दिनसम्म भोकहड्ताल गरेका थिए । रासस÷एएनआई
