विश्व खबर 
काठमाडौं- स्वास्थ्य तथा जनसङख्या मन्त्री बिरोध खतिवडा र विश्व स्वास्थ्य सङगठनका महानिर्देशक डा.टेड्रोस अधानोम गेब्रेयससबीच भेटवार्ता भएको छ ।
विहीबार दिउँसो स्वाथ्य मन्त्रालयमा भेट भएको हो । स्वास्थ्य तथा जनसङख्या मन्त्रालयको निमन्त्रणामा पहिलो पटक डा.टेड्रोस को टोली नेपाल आएको हो ।
महानिर्देशक डा। टेड्रोस तीनदिने औपचारिक भ्रमणका लागि आजै नेपाल आएका हुन् । महानिर्देशकसहित डब्ल्यूएचओको दक्षिण पूर्व एशिया क्षेत्रीय कार्यालयका निर्देशक डा. पुनम खेत्रपाल र डब्ल्यूएचओका अन्य अधिकारी पनि नेपाल आएका छन् ।
मन्त्रालयका अनुसार डब्ल्यूएचओका महानिर्देशक गेब्रेयससले राष्ट्रपति विद्यादेवी भण्डारी, प्रधानमन्त्री शेरबहादुर देउवा र राष्ट्रियसभाका अध्यक्ष गणेशप्रसाद तिमिल्सिनासँग समेत शिष्टाचार भेट गर्ने कार्यक्रम छ ।
प्रतिक्रिया दिनुहोस्
