images
images
  • केन्द्र र प्रदेश नेतृत्वबीच कुरा नमिल्दा मधेस सरकार गठन अन्योल, दलहरूबीच सहमति जुटाउने प्रयास

    काठमाडौं– केन्द्रका शीर्ष नेतृत्वबीच कुरा नमिल्दा मधेस सरकार गठनमा अझै अन्योल देखिएको छ ।

    कांग्रेसका मुख्यमन्त्री कृष्णप्रसाद यादव नेतृत्वमा गठन भएको सरकारबाट एमाले र नेकपा बाहिरिएपछि यादवले राजीनामा दिएका थिए ।

    प्रदेश प्रमुखले शुक्रबार ४ बजेसम्म संविधानको धारा १६८ (२) बमोजिम सरकार गठनका लागि बहुमतसहित दाबी गर्ने समय सीमा दिएका छन् ।

    बिहीबारसम्म कसले सरकारको दाबी गर्ने भन्ने अन्योल यथावत रहेको छ ।

    दलहरूबीच सहमति हुन नसक्दा अन्योल रहेको एक नेताले बताए ।

    जसपाबाट सम्भावित मुख्यमन्त्री सरोज यादव एमालेसँग मिलेर सरकार गठन गर्ने पक्षमा भएपनि केन्द्रको हाइकमाण्डका नेतहरू उपेन्द्र यादव, महन्थ ठाकुर र शरदसिंह भण्डारी त्यसका विपक्षमा देखिएका छन् ।

    उनीहरूले एमालेसँग मिलेर सरकार बनाएमा आगामी स्थानीय चुनावमा नराम्ररी हार ब्यहोर्ने तर्क अगाडि सारेका छन् ।

    केन्द्रको हाइकमान र प्रदेश नेतृत्वको कुरा नमिल्दा जसपाभित्र विवाद बढेको छ ।

    २७ जना प्रदेश सभाका सदस्यमध्ये १५ जना सरोजको नेतृत्वमा एमालेसँग मिलेर सरकार गठन गर्ने पक्षमा रहेको एक नेताले बताए ।

    त्यसैगरी कांग्रेसका अहिलेका मुख्यमन्त्री कृष्णप्रसाद यादव भने एमालेको नेतृत्व सरकार गठन गरेर जानुपर्ने पक्षमा देखिएको एक नेताले बताए ।

    यद्यपि सरकार गठनका लागि दलहरूबीच सहमति जुटाउने प्रयास भइरहेको छ ।

    प्रतिक्रिया दिनुहोस्
    images
    images