विश्व खबर 
काठमाडौं – कात्तिक १६ देखि सरकारी कार्यालयको समय परिवर्तन भएको छ । जाडोयामको समयतालिकाअनुसार अब सरकारी कार्यालय बिहान ९ बजेदेखि दिउँसो ४ बजेसम्म सञ्चालन हुनेछन् ।
यसअघि सरकारी कार्यालय बिहान ९ बजेदेखि साँझ ५ बजेसम्म सञ्चालन हुँदै आएका थिए । हिउँदमा साँझ छिट्टै अँध्यारो हुने भएकाले कार्यालय समय एक घण्टा घटाइएको हो ।
नेपाल राजपत्रमा प्रकाशित गृह मन्त्रालयको सूचनाअनुसार कात्तिक १६ गतेदेखि माघ १५ गतेसम्म सरकारी कार्यालय तथा सार्वजनिक निकायको समय बिहान ९ देखि अपराह्न ४ बजेसम्म कायम गरिएको छ । यो समयतालिका शैक्षिक संस्थाबाहेकका सरकारी कार्यालय तथा सार्वजनिक निकायमा लागू हुनेछ ।
प्रतिक्रिया दिनुहोस्
