विश्व खबर 
काठमाडौं– कृषि फार्म सञ्चालनका लागि सरकारबाट सहुलियत अनुदान मिलाइदिने भन्दै पाँच करोड ८० लाख रुपैयाँ ठगी गर्ने दुई जना पक्राउ परेका छन् ।
नेपाल प्रहरीको केन्द्रीय अनुसन्धान व्युरोको टोलीले काठमाडौं महानगरपालिका- १४ ताहाचलका ५२ वर्षीय श्रीकृष्ण महर्जन र ललितपुर महानगरपालिका- १४ नखिपोटका ६० वर्षीय नारायण खनाललाई पक्राउ गरेको हो ।
जालिमसिंह महतोको जाहेरीका आधारमा सीआईबीको टोलीले उनीहरुलाई पक्राउ गरेको हो ।
उनीहरुले विभिन्न मन्त्रालयका कर्मचारीसँग राम्रो चिनजान भएको भएको भन्दै कृषि फार्मका लागि सहुलियत अनुदान मिलाइदिने भन्दै पटक–पटक गरी उक्त रकम ठगी गरेको व्युरोका प्रहरी उपरीक्षक योगेन्द्रकुमार खड्काले जानकारी दिए ।
प्रतिक्रिया दिनुहोस्
