विश्व खबर 
काठमाडाैं- विश्व फुटबलका महान् खेलाडी लियोनेल मेस्सीले जीवनको अन्तिम अन्तर्राष्ट्रिय खेल भर्खरै सकियो । सो खेलमा मेस्सीले दिलाइदिएको अवसरलाई उपयोग गर्दै निकोलास ओटामान्डी र निकोलास पाज मार्टिनेजले गोल गरे । मेस्सी आफैले पेनाल्टीमा गोल गरे । सोही गोलले मेस्सीको अन्तिम अन्तर्राष्ट्रिय खेलमा अर्जेन्टिनाले बेनिनलाई ३–० गाेलले हरायो । उनले कुल १२६ अन्तर्राष्ट्रिय गोल गरे । उपस्थित ८५ हजार भन्दा बढी दर्शकले भरिभराउ ब्युनर्स आयर्सको रङ्गशालामा अर्जेन्टिनाका विशिष्ट व्यक्तिले उनको अन्तिम अन्तर्राष्ट्रिय खेल हेरेका थिए ।
यसै खेलसँगै उनले २०७ अन्तर्राष्ट्रिय खेल सकेर आफ्नो अन्तर्राष्ट्रिय खेल जीवनमा पूर्णविराम लगाए । क्लब फुटबलमा भने उनले आफ्नो खेललाई निरन्तरता दिने छन् । ८ पटक बालोन डी ओर अवार्ड जितेका मेस्सीले सन् २००४ मा अर्जेन्टिनाका युवा टोलीमा रहँदै पहिले पटक राष्ट्रिय जर्सी भिरेका थिए । सन् २००५ मा अर्जेन्टिनाले दक्षिण अमेरिकी युथ च्याम्पियनसिपमा तेस्रो स्थान पाउँदा मेस्सी टोलीको सदस्य थिए ।
त्यसै वर्ष अर्जेन्टिनाले फिफा युथ च्याम्पियनसिपको उपाधि जित्दा उनले टोलीको नेतृत्व गरेका थिए । उनले गोल्डेन बल पनि पाएका थिए । सन् २००५ मा नै राष्ट्रिय टोलीमा प्रवेश पाएका उनले सन् २००६ मा पहिलो पटक क्रोएसियासँगको खेलमा अन्तर्राष्ट्रिय गोल गरे । १६ जुन २००६ मा उनले सर्बिया एन्ड मन्टेनेग्रोको विरुद्धमा पहिलो विश्वकप गोल गरे । उनले विश्वकपको डेब्यु खेलमा नै गोल गरेका हुन् । सन् २००८ मा उनको नेतृत्वमा अर्जेन्टिनाले ओलम्पिक स्वर्ण पदक जितेको थियो ।
सन् २०१४ मा मेस्सीको नेतृत्वमा अर्जेन्टिना विश्वकप फाइनल प्रवेश गरे पनि जर्मनीसँग पराजित भएको थियो । सोही विश्वकपमा उनले गोल्डेन बल समेत पाएका थिए । अर्को वर्ष कोपा अमेरिकाको फाइनलमा पनि चिलीसँग पराजयको सामना गरे पनि उनमा उपाधिको भोक कायम नै थियो ।
लगातार तिन प्रतियोगितामा फाइनलमा हारे पछि निराश भएर सन्न्यास लिए पनि सर्वत्र दबाब भएपछि सन २०१८ मा फेरि खेलमा फर्किएका थिए । त्यो विश्वकपमा पनि राउन्ड अफ १६ मा अर्जेन्टिनाले फ्रान्ससँग हारको सामना गरेको थियो ।
मेस्सीले २८ वर्ष लामो उपाधिविहीन यात्राको अन्त्य गर्दै सन् २०२१ मा कोपा अमेरिका कप फुटबलको उपाधि दिलाए । फ्रान्सलाई टाई ब्रेकरमा हराउँदै सन् २०२२ मा अर्जेन्टिनाले विश्वकप फुटबलको उपाधि जितेको थियो । सो विश्वकपमा सात गोल गरेका उनी गोल्डेन बल जित्न सफल भए ।
अर्को वर्ष उनले १०० अन्तर्राष्ट्रिय गोलको आँकडा पार गरे । सन् २०२४ मा अर्जेन्टिना कोपा अमेरिका कप फुटबलको उपाधि रक्षा गर्न सफल भयो । यसे वर्ष भएको विश्वकपमा उनले ८ गोल गरे । मिरोस्लाभ क्लोजको सबैभन्दा बढी विश्वकप गोल गर्ने कीर्तिमान उनले भंग गरे पनि फ्रान्सका केलियन एम्बाप्पे उनलाई उछिन्न सफल भए । मेस्सीकै नेतृत्वमा लगातार दोस्रो पटक विश्वकप फाइनल प्रवेश गरेको अर्जेन्टिना स्पेनसँग १–० ले पराजित हुँदै उपाधि विमुख भयाे ।
