विश्व खबर 
काठमाडौं– नेपाली कांग्रेस १५औं महाधिवेशनमा महामन्त्री पदका लागि हालसम्म ३ जनाले उम्मेदवारी दर्ता गरेका छन् ।
डा.सुनिलकुमार शर्माले महामन्त्री पदमा उम्मेदवारी दर्ता गराएका छन् ।
उनले मंगलबार काठमाडौंको खुलामञ्चमा औपचारिक रूपमा उम्मेदवारी घोषणा गरेका हुन् ।
आइतबारबाट सुरु भएको महाधिवेशनमा नेतृत्व चयनको प्रक्रियाले गति लिएको छ ।
उम्मेदवारी घोषणा गर्दै डा.शर्माले पार्टीमा आमूल परिवर्तन, युवा पुस्ताको नेतृत्व र संस्थागत सुदृढीकरणका लागि आफ्नो उम्मेदवारी रहेको बताए ।
त्यस्तै अर्की कांग्रेस नेत्री डिला संग्रौला पन्तले पनि महामन्त्रीमा उम्मेदवारी घोषणा गरेकी छन् ।
उनी गत पुसमा भएको विशेष महाधिवेशनबाट सहमहामन्त्री बनेकी थिइन् ।
२०७८ सालको महाधिवेशनमा उनी केन्द्रीय सदस्य थिइन् ।
उनले पत्रकार सम्मेलन गरी महामन्त्री पदमा उम्मेदवारी घोषणा गरेकी हुन् ।
महामन्त्रीमा निवर्तमान सहमहामन्त्री महालक्ष्मी उपाध्याय डिनाले पनि उम्मेदवारी घोषणा गरेकी छन् ।
त्यसैगरी महामन्त्री पदमा रञ्जित कर्णले उम्मेदवारी घोषणा गरेका छन् ।
सप्तरीबाट महाधिवेशन प्रतिनिधि रहेका कर्ण राष्ट्रिय सभा सांसद पनि हुन् ।
उनले आज काठमाडौंमा पत्रकार सम्मेलन गरी महामन्त्री पदमा उम्मेदवारी घोषणा गरेका हुन् ।
कांग्रेसमा १ महिलासहित ३ महामन्त्री प्रस्ताव गरिएको छ ।
