विश्व खबर 
काठमाडौं – बाढीपहिरोका कारण अवरुद्ध कालीगण्डकी जलविद्युत् केन्द्रबाट विद्युत् उत्पादन सोमबार बेलुकासम्म पुनः सञ्चालनमा आउने भएको छ ।
नेपाल विद्युत् प्राधिकरणका अनुसार बाढीपहिरोबाट क्षति पुगेपछि अवरुद्ध भएको जलविद्युत् केन्द्रको मर्मत कार्य सम्पन्न गरी विद्युत् उत्पादन पुनः सञ्चालनमा ल्याउने तयारी गरिएको हो ।
कालीगण्डकी जलविद्युत् केन्द्रबाट उत्पादित विद्युत् पश्चिम नेपालसँगै देशको समग्र विद्युत् आपूर्ति व्यवस्थापनका लागि महत्त्वपूर्ण मानिन्छ ।
प्राधिकरणले बाढीपहिरोका कारण प्रभावित उत्पादन तथा प्रसारण संरचनाको मर्मत गरी क्रमशः विद्युत् आपूर्ति पुनःस्थापित गर्ने काम गरिरहेको जनाएको छ ।
प्रतिक्रिया दिनुहोस्
