विश्व खबर 
बुटवल–भारी वर्षापछि तिनाउ नदीमा आएको बाढीले बुटवल उपमहानगरपालिका–११ टप मझुवा क्षेत्रमा ६ वटा घर बगाएको छ ।
इलाका प्रहरी कार्यालय बुटवलका अनुसार बाढीले दुई वटा पक्की र चार वटा कच्ची घर बगाएको हो ।
निरन्तर वर्षाका कारण तिनाउ नदीसहित आसपासका खोलामा जलस्तर बढेपछि बुटवलको तटीय क्षेत्रमा बाढीको जोखिम बढेको थियो । स्थानीय प्रशासनले यसअघि नै नदी किनारमा बसोबास गर्ने नागरिकलाई सुरक्षित स्थानमा जान आग्रह गरेको थियो ।
बाढीको जोखिममा रहेका तटीय क्षेत्रका करिब २०० घरपरिवारलाई सुरक्षित स्थानमा सारिएको प्रहरीले जनाएको छ ।
बाढीबाट भएको थप क्षतिको विवरण संकलन भइरहेको छ ।
प्रतिक्रिया दिनुहोस्
