विश्व खबर 
काठमाडौं– लगातारको वर्षाका कारण लेदोसहितको बाढी आउँदा ओखलढुङ्गाको सिद्धिचरण लोकमार्ग अवरुद्ध भएको छ ।
मानेभञ्ज्याङ गाउँपालिका–६ र ७ को सीमामा पर्ने भँडारे खोलामा सडकमाथिबाट लेदोसहितको बाढी आएपछि सडक अवरुद्ध भएको हो ।
बाढीले सडकको भाग कटान गरी गहिरो बनाउँदा करिब १५ मिटर सडकमा क्षति पुगेको जिल्ला प्रहरी कार्यालय ओखलढुङ्गाले जनाएको छ ।
सडक अवरुद्ध भएपछि उक्त सडकखण्डमा सवारीसाधनको आवतजावत पूर्ण रूपमा बन्द भएको छ । सडक खुलाउन डिभिजन सडक कार्यालय हर्कपुरसँग समन्वय भइरहेको प्रहरीले जनाएको छ ।
लगातार वर्षा भइरहेकाले सडक खुलाउने काममा समेत कठिनाइ भइरहेको जनाइएको छ ।
प्रतिक्रिया दिनुहोस्
