विश्व खबर 
काठमाडौं– रसुवाको भोटेकोशीमा गएको विनाशकारी बाढीपछि सांसदहरूले सरकारसँग भदौ १० गतेलाई राष्ट्रिय शोक दिवस घोषणा गर्न माग गरेका छन् ।
राष्ट्रिय सभामा शून्य समयमा बोल्दै नेपाली कांग्रेसका सांसद युवराज शर्माले उद्धार, राहत र पुनर्स्थापनामा सरकारको ध्यान केन्द्रित गर्नुपर्ने बताए ।
नेकपाकी सांसद मदन कुमारी शाह गरिमाले एक दिन राष्ट्रिय झण्डा झुकाएर शोक मनाउन माग गर्दै जलवायु परिवर्तनको असरबारे अन्तर्राष्ट्रिय ध्यानाकर्षण गराउनुपर्ने धारणा राखिन् ।
प्राधिकरणका अनुसार बाढीमा ९८७ जनाको शव फेला परेको छ भने ३ हजार ९१६ जना सम्पर्कविहीन छन् ।
११ हजार ८१४ जनाको उद्धार भइसकेको छ भने २० हजार ८१९ सुरक्षाकर्मी खटिएका छन् ।
सांसद सुरेशकुमार आलेमगरले सम्पन्न मुलुकले निम्त्याएको जलवायु परिवर्तनका कारण नेपालजस्ता गरीब देशले पीडा भोग्नुपरेको बताउँदै यसतर्फ अन्तर्राष्ट्रिय समुदायको ध्यानाकर्षण गराए ।
