विश्व खबर 
काठमाडौं– यमनका हुथी विद्रोहीले बाब अल–मन्देब जलमार्गमा साउदी अरेबियासँग सम्बन्धित ‘तिहामा’ नामक जहाजमा क्षेप्यास्त्र प्रहार गर्दा चार चालक दलका सदस्यको मृत्यु भएको छ ।
मृत्यु हुनेमा तीन पाकिस्तानी र एक इन्डोनेसियाली नागरिक रहेका छन् ।
तन्जानियाको झण्डा बोकेको उक्त जहाज ओमानको सलालाह बन्दरगाहबाट जिबुटीतर्फ जाँदै थियो ।
जुलाई २० देखि हुथी विद्रोहीहरूले साउदी जहाजहरूमाथि नाकाबन्दी सुरु गरेका छन् र त्यसयता लाल सागरमा आठवटा जहाजलाई निशाना बनाइसकेका छन् ।
रोयटर्सका अनुसार साउदी जहाजमाथि हुथी आक्रमणमा मृत्यु भएको यो पहिलो घटना हो ।
लगातारका आक्रमणका कारण लाल सागर र स्वेज नहरमार्गमा जहाज आवतजावत घटेको छ र साउदी अरेबियाको तेल निर्यातमा समेत असर परेको बताइएको छ ।
प्रतिक्रिया दिनुहोस्
