विश्व खबर 
काठमाडौं– फुटबलको सबैभन्दा ठूलो प्रतियोगिता फिफा विश्वकप २०३० इतिहासकै अनौठो ढाँचामा आयोजना हुँदैछ ।
प्रतियोगिता पहिलो पटक तीन महादेशका छ देशमा हुनेछ ।
शतवार्षिकीको अवसरमा उद्घाटन चरणका तीन खेल उरुग्वे, अर्जेन्टिना र पाराग्वेमा खेलाइनेछन् ।
त्यसपछि प्रतियोगिताका अधिकांश खेल स्पेन, पोर्चुगल र मोरक्कोमा सञ्चालन हुनेछन् ।
प्रस्तावित तालिका अनुसार प्रतियोगिता जुन ८–९ मा दक्षिण अमेरिकाबाट सुरु भएर जुलाई २१ मा फाइनलसँगै सम्पन्न हुने अपेक्षा गरिएको छ ।
आयोजक भएकै आधारमा यी छ देश स्वतः विश्वकपमा छनोट भइसकेका छन् भने बाँकी टोलीहरू महादेशीय छनोटमार्फत तय हुनेछन् ।
हाल प्रतियोगितामा ४८ टोली सहभागी हुने व्यवस्था भए पनि फिफाले भविष्यमा ६४ टोलीसम्म विस्तार गर्ने प्रस्तावबारे अध्ययन र छलफल गरिरहेको जनाएको छ ।
२०३० को विश्वकपपछि सन् २०३४ को फिफा विश्वकप भने साउदी अरेबियामा आयोजना हुनेछ ।
यो देशमा अहिले इरानले आक्रमण गरिरहेको छ ।
