विश्व खबर 
काठमाडौं– फ्रान्सका स्टार फरवार्ड किलियन एमबाप्पेले फिफा विश्वकप २०२६ मा गोल्डेन बुट र विश्वकप इतिहासकै सर्वाधिक गोलकर्ताको दौडमा लियोनल मेसीलाई पछि पारेका छन् ।
तेस्रो स्थानका लागि इंग्ल्यान्डविरुद्धको खेलमा दुई गोल र एक असिस्ट गरेका एमबाप्पेको जारी विश्वकपमा १० गोल र ४ असिस्ट पुगेको छ ।
फाइनलअघि मेसीको नाममा ८ गोल र ४ असिस्ट छन् ।
गोल्डेन बुट जित्न अब मेसीले फाइनलमा कम्तीमा दुई गोल गर्नुपर्ने अवस्था बनेको छ ।
विश्वकप इतिहासमा पनि एमबाप्पे २२ गोलसहित शीर्ष स्थानमा पुगेका छन् भने ६ विश्वकप खेलेका मेसी २१ गोलसहित दोस्रो स्थानमा छन् ।
एमबाप्पेले भने केवल तीन विश्वकपमै यो उपलब्धि हासिल गरेका हुन् ।
यता इंग्ल्यान्डका जुड बेलिङ्घमले प्रतियोगितामा सातौं गोल गर्दै एउटै विश्वकप संस्करणमा सर्वाधिक गोल गर्ने पहिलो इंग्लिस खेलाडीको कीर्तिमान पनि बनाएका छन् ।
