विश्व खबर 
काठमाडौं– एसीसी यु–१९ महिला प्रिमियर कपमा नेपालले लगातार दोस्रो जित निकाल्दै हङकङलाई १८१ रनको विशाल अन्तरले पराजित गरेको छ ।
कप्तान सोनी पाख्रिनको उत्कृष्ट अलराउन्ड प्रदर्शनमा नेपालले हङकङलाई मात्र ३० रनमा समेटेको हो ।
पहिले ब्याटिङ गरेको नेपालले ६ विकेट गुमाएर २११ रन बनायो ।
कप्तान पाख्रिनले ६० बलमा १३ चौका र १ छक्कासहित ९० रनको शानदार इनिङ्स खेलिन् ।
सावित्री धामीले ५२ तथा अलिसा कुमारी यादवले २३ रनको योगदान दिइन् ।
२१२ रनको लक्ष्य पछ्याएको हङकङ ३० रनमै अलआउट भयो ।
हङकङका लागि वङ विङ किउ हेलीले सर्वाधिक १३ रन बनाइन् ।
बलिङमा पनि कप्तान पाख्रिन नै चम्किइन् ।
उनले ४ ओभरमा मात्र ४ रन खर्चेर ४ विकेट लिइन् भने मनिषा उपाध्यायले २ विकेट हात पारिन् ।
पहिलो खेलमा नेपालले सिंगापुरलाई १५१ रनले हराएको थियो ।
प्रतिक्रिया दिनुहोस्
