विश्व खबर 
काठमाडौं– मौद्रिक नीति सार्वजनिक भएको भोलिपल्ट बुधबार नेपाल स्टक एक्सचेन्ज (नेप्से) परिसूचक ३० अंकले घटेर २६२१ बिन्दुमा झरेको छ ।
अघिल्लो दिन भने बजार २४ अंकले बढेको थियो ।
बजार घटे पनि कारोबार रकम भने बढेको छ ।
मंगलबार ४ अर्ब ४० करोड रुपैयाँको कारोबार भएकोमा बुधबार ४ अर्ब ८२ करोड रुपैयाँ बराबरको सेयर किनबेच भयो ।
२५ कम्पनीको सेयर मूल्य बढ्दा २४७ कम्पनीको घट्यो ।
विश्लेषकका अनुसार मौद्रिक नीतिमा संस्थाको वित्तीय सबलताका आधारमा सेयर धितो कर्जा सीमा निर्धारण गरिने व्यवस्था उल्लेख भएपछि लगानीकर्तामा चासो र अन्योल बढेको हो ।
यसले विशेषगरी जलविद्युत् कम्पनीका सेयरमा दबाब सिर्जना गरेको देखिएको छ ।
यसबाहेक, लगानीकर्ताले मौद्रिक नीतिबाट थप राहत र प्रोत्साहनको अपेक्षा गरेका थिए ।
अपेक्षाअनुसार नयाँ व्यवस्था नआएको तथा असार मसान्तमा बैंकको किस्ता भुक्तानी गर्नुपर्ने दबाबका कारण पनि बिक्री चाप बढ्दा बजार घटेको विश्लेषण गरिएको छ ।
