विश्व खबर 
न्युयोर्क– अमेरिकाको संघीय अदालतले चीनका आलोचक तथा अर्बपति व्यवसायी गुओ वेनगुई (माइल्स क्वोक)लाई ठगी, आपराधिक गिरोह सञ्चालनलगायत अभियोगमा दोषी ठहर गर्दै ३० वर्ष जेल सजाय सुनाएको छ ।
अदालतले उनीसँग सम्बन्धित ८८९ मिलियन अमेरिकी डलर बराबरको सम्पत्ति पनि जफत गर्न आदेश दिएको छ ।
अभियोजनका अनुसार गुओले आफ्ना समर्थकबाट उठाइएको एक अर्ब डलरभन्दा बढी रकम दुरुपयोग गरेका थिए ।
जुलाई २०२४ मा १२ मध्ये ९ अभियोगमा दोषी ठहर भएका गुओले भने आफू निर्दोष रहेको दाबी गर्दै फैसलाविरुद्ध पुनरावेदन गर्ने बताएका छन् ।
न्यायाधीश एनालिसा टोरिसले गुओ र उनको परिवारले चिनियाँ कम्युनिस्ट पार्टीबाट दुव्र्यवहार भोगेको हुन सक्ने स्वीकार गरे पनि त्यसले ठगीलाई उचित ठहराउन नसक्ने स्पष्ट पारिन् ।
अब उनका समर्थकहरूले अमेरिकी राष्ट्रपति डोनाल्ड ट्रम्पसँग आममाफी (पार्डन)को माग गरिरहेका छन् ।
