विश्व खबर 
काठमाडौं– एक महिनामा नेप्से १३५ अंकले घटेको छ ।
लगातार चौथो कारोबार दिन बिहीबार पनि बजार ओरालो लाग्दै नेप्से ८.५० अंक घटेर २६५१ बिन्दुमा पुगेको छ, जुन फागुन १३ यताकै न्यून स्तर हो ।
कारोबार रकम पनि घटेर २ अर्ब ८३ करोड रुपैयाँमा सीमित भएको छ ।
८३ कम्पनीको शेयर मूल्य बढ्दा १७२ कम्पनीको घटेको छ ।
उत्पादन तथा प्रशोधन समूह बाहेक सबै उपसूचक ओरालो लागेका छन् ।
हालै सूचीकृत टक्सार पिखुवाखोला र याम्बलिङ हाइड्रोपावरको मूल्य १५ प्रतिशतले बढेको छ भने भुजुङ हाइड्रोपावर, सीवाईसी लघुवित्त र भगवती हाइड्रोपावरका लगानीकर्ताले सर्वाधिक घाटा बेहोरेका छन् ।
कारोबार रकमका आधारमा सोपान फर्मास्युटिकल्स, रिलायन्स स्पिनिङ मिल्स, सप्तकोशी विकास बैंक, आँखुखोला जलविद्युत् कम्पनी र नेपाल एसबीआई बैंक अग्रस्थानमा रहे ।
प्रतिक्रिया दिनुहोस्
