विश्व खबर 
काठमाडौं– चिनियाँ प्रिमियम ईभी ब्रान्ड स्काईवेल र स्काइवर्थको नेपालस्थित आधिकारिक बिक्रेता जी मोटर्सको डिलरसिप खारेज भएको छ ।
उत्पादक कम्पनी जियान्सु स्काईवेल अटोमोबाइल कम्पनी लिमिटेडले जुन ५, २०२६ देखि लागू हुने गरी जी मोटर्सलाई आधिकारिक डिलरको सूचीबाट हटाएको जनाएको छ ।
कम्पनीले वाणिज्य, आपूर्ति तथा उपभोक्ता संरक्षण विभागलाई पठाएको पत्रमार्फत जी मोटर्स अब आफ्नो आधिकारिक प्रतिनिधि नरहेको जानकारी दिएको हो ।
नेपालमा स्काईवेल ब्रान्डलाई जी मोटर्सले २०८१ सालदेखि बिक्री गर्दै आएको थियो ।
हाल नेपाली बजारमा स्काईवेलका बीई११ र ईटी५ मोडल उपलब्ध छन् ।
नयाँ आधिकारिक आयातकर्ता चयनबारे कम्पनीले हालसम्म कुनै निर्णय सार्वजनिक नगरे पनि स्काईवेलको ब्रान्ड लिन आधा दर्जनभन्दा बढी अटो कम्पनीले चासो देखाएका छन् ।
स्रोतका अनुसार विभिन्न कम्पनीहरूले उत्पादक कम्पनीलाई आफ्नो व्यावसायिक प्रस्तावसमेत पठाइसकेका छन् ।
